九龙城寨之龙头｜传梁朝伟加盟 ，郭富城7字大爆另有其人

郭富城(城城）今日（22/4）现身湾仔出席著名品牌活动。提到古天乐希望高片酬的演员减片酬支持香港电影业。城城接受《香港01》访问时表示：“其实我一直都做紧，我觉得钱唔系我优先，就好似呢十几年，我都扶持咗好多新晋嘅导演嘅电影，例如《寒战》又或者翁子光嘅《踏血寻梅》等等嘅电影，我已经做紧呢啲嘢，一直都唔系片酬行先，最紧要大家一定要团结，我个人就摆咗出嚟，我系等大家一齐去团结。”

郭富城今日出席品牌活动。（梁碧玲摄）

被问到电影《九龙城寨之龙头》会否今年会开镜？城城反问笑言：“你有冇消息？（传梁朝伟会加盟？）应该唔会。（咦咁你有消息！）雷震东呢个角色，我喺度讲边个最适合做，我就觉得系发哥（周润发），因为我做第一集嘅时候做杀人王，当时雷震东系冇出镜，只系形容呢个人身形，态度同高度及气场，我唔知啦，我就觉得一个人最适合，个人就系发哥。麻烦大家帮我哋推荐吓。”

郭富城大爆电影《九龙城寨2》冇梁朝伟份。（梁碧玲摄）